Нэвтрэх

1. Харилцагч өөрийн и-мэйл хаяг болон бусад хувийн мэдээллийг үнэн зөв, бүрэн бөглөнө.
2. Харилцагч өөрийн системд бүртгүүлсэн нэвтрэх нэр, нууц үгийг ашиглан оруулсан холбогдох хүсэлт, данс нээх, үнэт цаас худалдах, худалдан авах захиалга, мөнгө хүсэх өргөдөл нь харилцагч өөрийн биеэр ирж гарын үсэг зурсан, санхүүгийн болон бусад тамга, тэмдэг дарсантай нэгэн адил хүчинтэйд тооцогдоно.
3. Таван Богд Капитал ҮЦК нь энэхүү системээр өгсөн захиалга, гүйлгээг харилцагчийн өөрийн биеэр өгч буй захиалга гэж үзэн шууд гүйцэтгэнэ.
4. Анхдагч зах зээлийн арилжаа, ногдол ашиг, ногдол хувийн мөнгөн зарлага гаргах нь Үнэт цаасны төвлөрсөн хадгаламжийн төвөөс хамааралтай тул тус байгууллагын үйлчилгээний нөхцөл, цагийн хуваарийн дагуу хийгдэнэ.
5. Таван Богд Капитал ҮЦК болон Үнэт цаасны төвлөрсөн хадгаламжийн төв ХХК нь харилцагчийн данс дахь мөнгөн хөрөнгийн үлдэгдэлд багтаан захиалга болон гүйлгээг гүйцэтгэнэ.
6. Үйлчилгээний гэрээнд заасны дагуу харилцагчаас арилжааны болон үйлчилгээний хураамж, шимтгэлийг данснаас шууд суутгах ба дансны үлдэгдэл шимтгэл, хураамжийг суутгахад хүрэлцэхгүй бол гүйлгээ хийгдэхгүй.
7. Харилцагчийн дансны үлдэгдэл нь тухайн гүйлгээг хийхэд хүрэлцэхгүй, шимтгэл хүрэлцэхгүй, бүрдүүлбэр дутуу, өгөгдөл буруугаас болж гүйлгээ хийгдээгүйгээс шалтгаалан учирсан үр дагавар, хохирлыг Таван Богд Капитал ҮЦК хариуцахгүй.
8. Таван Богд Капитал ҮЦК өөрийн бүтээгдэхүүн үйлчилгээний хураамж, гүйлгээний шимтгэл хураамжийн хэмжээ зэрэг үйлчилгээний ерөнхий нөхцөлийг харилцагчид урьдчилан мэдэгдэх үүрэг хүлээхгүй.
9. Цахимаар системд бүртгүүлж, цахим үйлчилгээ авахын тулд харилцагч идэвхтэй и-мэйл хаягаар бүртгүүлэх шаардлагатай. Бүртгүүлсэн и-мэйл хаягаар захиалгын биелэлт, дансны хуулга болон үйлчилгээтэй холбоотой бүхий л мэдээллийг харилцагчид мэдэгдэх тул и-мэйл хаягийг цаашид солихгүй байна. Хэрэв таны и-мэйлийг үйлчилгээ үзүүлэгч тань хаасан эсхүл таны спам шүүлтүүр хаасан болон бусад байдлаар та электрон харилцаа холбоог хүлээж авах боломжгүй болсон тохиолдолд түүнээс үл хамааран Таван Богд Капитал ҮЦК нь тантай харилцах мэдээ, мэдээллийг хүргүүлсэнд тооцно гэдгийг анхаарна уу.
10. Харилцагчийн бүртгэлтэй цахим шуудангийн хаяг, гар утсанд очсон мэдээлэл, нууц код нь цахим үйлчилгээний нууцлалын салшгүй нэг хэсэг бөгөөд харилцагч цахим үйлчилгээний нууцлалыг чандлан хадгална.
11. Цахим үйлчилгээг авах арга хэрэгсэл, үйлчилгээг авахтай холбоотой Таван Богд Капитал ҮЦК-аас өгсөн заавар, өөрийн нууц код, хэрэглэгчийн нэр, нууц үг болон цахим шуудан, гар утсаар хүлээн авсан мэдээлэл зэргийг бусдад алдсан, ашиглуулсан, эсхүл тийнхүү ашиглуулах боломж олгосноос үүссэн үр дагаврыг харилцагч бүрэн хариуцна.
12. Та өөрийн нэвтрэх эрх, дансны аюулгүй байдлаа хамгаалахын тулд дараах зүйлсийг анхаарахыг зөвлөж байна. Үүнд:
a. Нэвтрэх эрхийн нууцлал, аюулгүй байдлыг хангах үүднээс өөрийн данс руу компьютер, таблет болон бусад мобайл төхөөрөмж зэрэг олон төхөөрөмжөөс хандахгүй байх;
b. Мөн дээрх төхөөрөмжүүдээс нэвтрэхдээ нэвтрэх хаяг, нууц үгээ сануулахгүй байх;
c. Өөрийн нэвтрэх нэр, нууц үгийг бусдад дамжуулахгүй, ашиглуулахгүй байх.